News
ਕਿਡਸ ਪ੍ਰਾਈਡ ਸਕੂਲ ਸਾਲਾਨਾ ਸਮਾਰੋਹ ਵਿਚ ਵਿਦਿਆਰਥੀਆ ਨੇ ਦਿੱਤੀਆਂ ਰੰਗਾਰੰਗ ਪੇਸ਼ਕਾਰੀਆਂ
ਕਿਡਸ ਪ੍ਰਾਈਡ ਸਕੂਲ ਖਰੜ ਵਿੱਚ ਆਯੋਜਿਤ ਸਾਲਾਨਾ ਸਮਾਗਮ ਵਿੱਚ ਛੋਟੇ-ਛੋਟੇ ਬੱਚਿਆਂ ਨੇ ਮਨਮੋਹਕ ਪੇਸ਼ਕਾਰੀਆਂ ਦਿੱਤੀਆਂ। ਬੱਚਿਆਂ ਦੁਆਰਾ ਵੱਖ-ਵੱਖ ਖੇਤਰਾਂ ਦੇ ਲੋਕ ਨਾਚ ਦੀਆ ਪੇਸ਼ਕਾਰੀਆਂ ਕੀਤੀਆ ਗਈਆ। ਸਮਾਗਮ ਵਿੱਚ ਸਥਾਨਕ ਕੌਂਸਲਰ ਸਰਦਾਰ ਰਾਜਵੀਰ ਸਿੰਘ ਰਾਜੀ ਜੀ ਅਵਨਾਸ਼ ਸਿੰਘ ਜੀ ਅਤੇ ਉਨ੍ਹਾਂ ਦੀ ਧਰਮਪਤਨੀ ਨਵਨੀਤ ਕੌਰ ਜੀ ਵੀ ਮੁੱਖ ਮਹਿਮਾਨਾਂ ਵਜੋਂ ਸ਼ਾਮਲ ਹੋਏ। ਪੂਰੇ ਪ੍ਰੋਗਰਾਮ ਦੀ ਸੰਕਲਪਨਾ ਅਤੇ ਆਯੋਜਨ ਸਕੂਲ ਦੀ ਪ੍ਰਿੰਸੀਪਲ ਰੇਖਾ ਸ਼ਰਮਾ ਜੀ ਦੇ ਮਾਰਗਦਰਸ਼ਨ ਵਿੱਚ ਕੀਤਾ ਗਿਆ। ਕਿਡਸ ਪ੍ਰਾਈਡ ਸਕੂਲ ਨੇ ਸਿੱਖਿਆ ਦੇ ਖੇਤਰ ਵਿੱਚ ਨਵੇਂ ਮੀਲ ਪੱਥਰ ਸਥਾਪਿਤ ਕੀਤੇ ਹਨ ਅਤੇ ਇਸ ਸਮੇਂ ਇਹ ਆਪਣੇ ਖੇਤਰ ਦੇ ਪ੍ਰਮੁੱਖ ਸਕੂਲਾਂ ਵਿੱਚੋਂ ਇੱਕ ਹੈ। ਸਕੂਲ ਦੀ ਪ੍ਰਿੰਸੀਪਲ ਸ਼੍ਰੀਮਤੀ ਰੇਖਾ ਜੀ ਨੇ ਸਾਰੇ ਸਟਾਫ ਸ਼੍ਰੀਮਤੀ ਰਜਨੀਸ਼ ਸ਼ਰਮਾ, ਅਨੂ ਸ਼ਰਮਾ, ਰੁਚੀ ਸ਼ਰਮਾ, ਅਮਨਦੀਪ, ਰੀਤਾ ਠਾਕੁਰ, ਨਿਰਮਲ ਕੌਰ, ਸੁਮਨ ਅਤੇ ਪਾਇਲ ਮੈਮ ਨੂੰ ਵਧਾਈ ਦਿੱਤੀ।