ਜਸਵਿੰਦਰ ਭੱਲਾ ਜ਼ਿੰਦਗੀ ਦਾ ਬਾਦਸ਼ਾਹ ਸੀ- ਗੁਰਪ੍ਰੀਤ ਘੁੱਗੀ ਭੱਲਾ ਸਾਹਿਬ ਦੀ ਕਲਾਕਾਰੀ ਦਾ ਕੋਈ ਬਦਲ ਨਹੀਂ- ਗਿੱਪੀ ਗਰੇਵਾਲ

ਭੱਲਾ ਸਾਹਿਬ ਦੀ ਕਲਾਕਾਰੀ ਦਾ ਕੋਈ ਬਦਲ ਨਹੀਂ- ਗਿੱਪੀ ਗਰੇਵਾਲ

ਚੰਡੀਗੜ੍ਹ/ਮੁਹਾਲੀ, 08 ਸਤੰਬਰ (ਕੁਲਬੀਰ ਕਲਸੀ): ਪੰਜਾਬੀ ਫਿਲਮ ਐਂਡ ਟੀਵੀ ਐਕਟਰ ਐਸੋਸੀਏਸ਼ਨ ਵੱਲੋਂ ਮਰਹੂਮ ਅਦਾਕਾਰ ਡਾਕਟਰ ਜਸਵਿੰਦਰ ਭੱਲਾ ਜੀ ਦੇ ਨਮਿਤ ਸ਼ੋਕ ਸਭਾ ਕੀਤੀ ਗਈ, ਜਿਸ ਵਿੱਚ ਬੋਲਦਿਆਂ ਗੁਰਪ੍ਰੀਤ ਘੁੱਗੀ ਜੀ ਨੇ ਕਿਹਾ ਕਿ ਭੱਲਾ ਸਾਹਿਬ ਸਿਰਫ ਕਮੇਡੀ ਦੇ ਬਾਦਸ਼ਾਹ ਹੀ ਨਹੀਂ ਸੀ ਉਹ ਜ਼ਿੰਦਗੀ ਅਤੇ ਦਿਲ ਦੇ ਬਾਦਸ਼ਾਹ ਇਨਸਾਨ ਸਨ, ਉਹ ਹਮੇਸ਼ਾ ਸਾਡੇ ਦਿਲਾਂ ਵਿੱਚ ਜਿਉਂਦੇ ਰਹਿਣਗੇ। ਇਸ ਸਮੇਂ ਪੰਜਾਬੀ ਸਿਨੇਮਾ ਦੇ ਨਿਰਮਾਤਾ ਨਿਰਦੇਸ਼ਕ ਅਤੇ ਅਦਾਕਾਰ ਗਿੱਪੀ ਗਰੇਵਾਲ ਨੇ ਕਿਹਾ ਕਿ ਜਸਵਿੰਦਰ ਭੱਲਾ ਦੀ ਕਲਾਕਾਰੀ ਦਾ ਕੋਈ ਵੀ ਬਦਲ ਨਹੀਂ ਅਜਿਹੇ ਕਲਾਕਾਰ ਲੰਮੇ ਸਮਿਆਂ ਬਾਅਦ ਵਿੱਚ ਕੋਈ ਕੋਈ ਇਡਸਟਰੀ ਨੂੰ ਮਿਲਦਾ ਹੈ,

ਸਾਨੂੰ ਉਹਨਾਂ ਦਾ ਪਿਤਾ ਵਰਗਾ ਸਾਥ ਸੀ ਅਤੇ ਉਹ ਸਾਡੇ ਉਸਤਾਦਾ ਵਾਂਗੂ ਵੀ ਸਨ। ਉੱਗੇ ਨਿਰਮਾਤਾ ਨਿਰਦੇਸ਼ਕ ਸਮੀਪ ਕੰਗ ਨੇ ਭੱਲਾ ਜੀ ਨੂੰ ਯਾਦ ਕਰਦਿਆਂ ਕਿਹਾ ਕਿ ਕੈਰੀ ਓਨ ਜੱਟਾ ਮੇਰੀ ਜਿੰਦਗੀ ਦੀ ਵੱਡੀ ਫਿਲਮ ਹੈ ਜਸਵਿੰਦਰ ਭੱਲਾ ਜੀ ਦੀ ਕਲਾਕਾਰੀ ਨੇ ਉਸ ਕਿਰਦਾਰ ਨੂੰ ਅਮਰ ਕੀਤਾ ਹੈ, ਮੈਨੂੰ ਉਨਾ ਕੋਲੋਂ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ ਹੈ। ਅਤੇ ਮੇਰੇ ਕੈਰੀਅਰ ਵਿੱਚ ਉਹਨਾਂ ਦਾ ਵੱਡਾ ਯੋਗਦਾਨ ਸੀ। ਸਭ ਤੋਂ ਪੁਰਾਣਾ ਅਤੇ ਸਭ ਤੋਂ ਨਜ਼ਦੀਕੀ ਦੋਸਤ ਬਾਲ ਮੁਕੰਦ ਸ਼ਰਮਾ ਨੇ ਕਿਹਾ ਕਿ ਜਸਵਿੰਦਰ ਭੱਲਾ ਜੀ ਦੇ ਜਾਨ ਮਗਰੋਂ ਮੈਨੂੰ ਮਹਿਸੂਸ ਹੋ ਰਿਹਾ ਕਿ ਜਦੋਂ ਮੈਂ ਯੂਨੀਵਰਸਿਟੀ ਜਾਂਦਾ ਹਾਂ ਲੋਕ ਕਹਿੰਦੇ ਨੇ ਭੱਲਾ ਸਾਡਾ ਸੀ,

ਕਲਾਕਾਰਾਂ ਵਿੱਚ ਆ ਕੇ ਲੱਗਦਾ ਹੈ ਉਹ ਫਿਲਮੀ  ਲੋਕਾਂ ਦਾ ਸੀ, ਵਿਦੇਸ਼ੀ ਦੋਸਤਾਂ ਨਾਲ ਗੱਲ ਕਰਕੇ  ਲੱਗਦਾ ਹੈ ਉਹ ਯਾਰਾਂ ਦਾ ਯਾਰ ਸੀ,ਉਹਨਾਂ ਨਾਲ  ਦੋਸਤੀ ਨਹੀਂ ਭਰਾਵਾਂ ਵਾਲੀ ਸਾਂਝ ਸੀ। ਇਸ ਮੌਕੇ  ਬੋਲਦਿਆਂ ਹੋਇਆ ਕਰਮਜੀਤ ਅਨਮੋਲ ਨੇ ਕਿਹਾ  ਕਿ ਕਲਾਕਾਰਾਂ ਦੇ ਨਾਲ ਭੱਲਾ ਸਾਬ ਬਹੁਤ  ਵਧੀਆ ਇਨਸਾਨ ਸਨ। ਸੀਨੀਅਰ ਅਦਾਕਾਰ  ਸ਼ਵਿੰਦਰ ਮਾਹਲ ਨੇ ਭਾਵੁਕ ਖੋਦਿਆ ਹੋਇਆ  ਕਿਹਾ ਹੈ ਕਿ ਭੱਲਾ ਜੀ ਦਾ ਸਾਥ ਹਮੇਸ਼ਾ ਯਾਦ  ਰਹੇਗਾ ਉਹਨਾਂ ਨਾਲ ਲੰਘਾਏ ਹਰ ਪਲ ਸਾਡੇ  ਸਾਰਿਆਂ ਲਈ ਯਾਦਗਾਰੀ ਸਨ। ਸੰਸਥਾ ਦੇ  ਜਨਰਲ ਸਕੱਤਰ ਬੀਐਨ ਸ਼ਰਮਾ ਨੇ ਕਿਹਾ ਕਿ  ਭੱਲਾ ਜੀ ਸਾਡੇ ਸਿਨੇਮਾ ਨੂੰ ਪੰਜਾਬੀ ਦੀਆਂ  ਅਖਾਣਾਂ, ਮੁਹਾਵਰੇ ਅਤੇ ਟੀਚਰਾਂ ਰਾਹੀ ਨਵਾਂ ਰੂਪ  ਦਿੱਤਾ, ਜੋ ਆਣ ਵਾਲੇ ਲੋਕ ਵੀ ਯਾਦ ਰੱਖਣਗੇ।  ਇਸ ਮੌਕੇ ਹੋਰਾਂ ਤੋਂ ਇਲਾਵਾ ਬਲਕਾਰ ਸਿੱਧੂ  ਦੀਪਕ ਚਰਨਬਲ, ਵਿਨੋਦ ਸ਼ਰਮਾ, ਭਰਭੂਸ਼ਣ  ਵਰਮਾ, ਬੌਬ ਖੈਰਾ, ਸਵਰਾਜ ਸੰਧੂ, ਡਾਕਟਰ  ਰਵਜੀਤ ਸ਼ਰਮਾ ਅਤੇ ਹਰਵਿੰਦਰ ਤਤਲਾ ਨੇ  ਸੰਬੋਧਨ ਕੀਤਾ। ਇਸ ਮੌਕੇ ਸਟੇਜ ਸੰਚਾਲਨ ਦੀ  ਭੂਮਿਕਾ ਮਲਕੀਤ ਰੋਨੀ ਨੇ ਨਿਭਾਈ। ਇਸ ਮੌਕੇ  ਇਕੱਤਰ ਸਿੰਘ, ਜਤਿੰਦਰ ਕੌਰ, ਬਿੱਟੂ ਭੁੱਲਰ,  ਪਰਮਜੀਤ ਸਿੰਘ ਭੰਗੂ, ਰਤਨ ਔਲਖ, ਕਰਮ ਰਾਜ  ਕਰਮਾ, ਸੈਵੀ ਭੰਗੂ, ਰਵਨੀਤ ਕੌਰ, ਕੁਲਬੀਰ  ਕਲਸੀ, ਗੁਰਪ੍ਰੀਤ ਸਿੰਘ, ਅਮਨਦੀਪ ਜੋਹਲ,  ਪੂਨਮ ਸੂਦ, ਧਰਮਮਨਦੀਪ ਸਿੰਘ, ਪਰਵਿੰਦਰ  ਸਿੰਘ, ਸੋਨੀਕਾ ਭਾਟੀਆ, ਵਨੀਤ ਸਹਿਗਲ ਅਤੇ  ਹੋਰ ਵੀ ਸ਼ਖਸ਼ੀਅਤਾਂ ਹਾਜ਼ਰ ਸਨ।