News
ਮੋਹਾਲੀ ਵਾਕ ਮਾਲ ਨੇ ਸੀਨੀਅਰ ਸਿਟੀਜ਼ਨਜ਼ ਲਈ ਮਜ਼ੇਦਾਰ ਖੇਡਾਂ ਅਤੇ ਤੰਬੋਲਾ ਦਾ ਪ੍ਰਬੰਧ ਕੀਤਾ।
ਮੋਹਾਲੀ ਵਾਕ ਮਾਲ ਦੇ ਪ੍ਰਬੰਧਨ ਨੇ ਮੋਹਾਲੀ ਸੀਨੀਅਰ ਸਿਟੀਜ਼ਨਜ਼ ਐਸੋਸੀਏਸ਼ਨ ਦੇ ਮਨੋਰੰਜਨ ਲਈ ਵਿਸ਼ੇਸ਼ ਤੌਰ ‘ਤੇ ਤੰਬੋਲਾ ਅਤੇ ਮਜ਼ੇਦਾਰ ਖੇਡਾਂ ਦਾ ਪ੍ਰਬੰਧ ਕੀਤਾ। ਜਿਸ ਵਿੱਚ ਐਸੋਸੀਏਸ਼ਨ ਦੇ 150 ਤੋਂ ਵੱਧ ਮੈਂਬਰਾਂ ਨੇ ਬਹੁਤ ਆਨੰਦ ਮਾਣਿਆ। ਮੋਹਾਲੀ ਵਾਕ ਮਾਲ ਦੀ ਉਪ ਪ੍ਰਧਾਨ ਤਰੁਣਦੀਪ ਕੌਰ ਜਵੰਦਾ ਨੇ ਮਹਿਮਾਨਾਂ ਦਾ ਸਵਾਗਤ ਕੀਤਾ ਅਤੇ ਵਿਸ਼ੇਸ਼ ਖੇਡਾਂ ਦੇ ਜੇਤੂਆਂ ਨੂੰ ਤੋਹਫ਼ੇ ਭੇਟ ਕੀਤੇ ਅਤੇ ਫੂਡ ਕੋਰਟ ਅਤੇ ਹੋਰ ਬ੍ਰਾਂਡਾਂ ਲਈ ਛੂਟ ਕੂਪਨ ਪ੍ਰਦਾਨ ਕੀਤੇ। ਇਸ ਮੌਕੇ ਮੋਹਾਲੀ ਸੀਨੀਅਰ ਸਿਟੀਜ਼ਨਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਬ੍ਰਿਗੇਡੀਅਰ ਜੇ.ਐਸ. ਜਗਦੇਵ ਨੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ ਅਤੇ ਮਾਲ ਅਤੇ ਉਨ੍ਹਾਂ ਦੇ ਪ੍ਰਬੰਧਨ ਦੀ ਸ਼ਲਾਘਾ ਕੀਤੀ। ਅੰਤ ਵਿੱਚ, ਉਪ ਪ੍ਰਧਾਨ ਤਰੁਣਦੀਪ ਕੌਰ ਜਵੰਦਾ ਨੇ ਸਾਰੇ ਮਹਿਮਾਨਾਂ ਦਾ ਮਾਲ ਵਿੱਚ ਆਉਣ ਅਤੇ ਸਮਾਜ ਸੇਵਕ ਸ. ਹਰਿੰਦਰ ਪਾਲ ਸਿੰਘ ਹੈਰੀ ਵੱਲੋਂ ਦਿੱਤੇ ਗਏ ਸਮਰਥਨ ਲਈ ਵਿਸ਼ੇਸ਼ ਤੌਰ ‘ਤੇ ਧੰਨਵਾਦ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਮਾਲ ਬਾਰੇ ਜਾਣਕਾਰੀ ਦਿੱਤੀ। ਮਾਲ ਟੀਮ ਵਿੱਚ ਗੀਤੇਸ਼, ਅਤੁਲ, ਤਰਾਨਾ, ਅਰਵਿੰਦ ਕੁਮਾਰ ਅਤੇ ਸ਼੍ਰੀ ਸ਼ਰਮਾ ਆਦਿ ਸ਼ਾਮਲ ਸਨ ਜਿਨ੍ਹਾਂ ਨੇ ਇਸ ਪ੍ਰੋਗਰਾਮ ਨੂੰ ਚਲਾਉਣ ਵਿੱਚ ਬਹੁਤ ਸਹਿਯੋਗ ਦਿੱਤਾ।
ਸਤਿਕਾਰ ਸਹਿਤ
ਹਰਿੰਦਰ ਹੈਰੀ