ਪੰਜਾਬੀ ਸਿਨੇਮਾ ਦੀ ਬਹੁ-ਚਰਚਿਤ ਫ਼ਿਲਮ ‘ਮੇਰਾ ਯਾਰ ਗਵਾਚਾ’ ਦਾ ਅਧਿਕਾਰਤ ਐਲਾਨ ਹੋ ਗਿਆ ਹੈ। ਇਹ ਫ਼ਿਲਮ 2027 ‘ਚ ਰਿਲੀਜ਼ ਹੋਵੇਗੀ। ਹਰੀਸ਼ ਵਰਮਾ ਤੇ ਦੀਪ ਸਹਿਗਲ ਮੁੱਖ ਕਿਰਦਾਰਾਂ ‘ਚ ਨਜ਼ਰ ਆਉਣਗੇ। ਇਸ ਫ਼ਿਲਮ ਦਾ ਪੋਸਟਰ ਟੀਮ ਵੱਲੋਂ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਇਸ ਫ਼ਿਲਮ ਨੂੰ ਮਾਹੀ ਮਿਊਜ਼ਿਕ ਦੇ ਬੈਨਰ ਹੇਠ ਰਿਲੀਜ਼ ਕੀਤਾ ਜਾ ਰਿਹਾ ਹੈ।

ਜੇਕਰ ਆਪਾਂ ਕਹਾਣੀ ਦੀ ਗੱਲ ਕਰੀਏ ਤਾਂ ‘ਮੇਰਾ ਯਾਰ ਗਵਾਚਾ’ ਦੀ ਕਹਾਣੀ ਇੱਕ ਨਹੀਂ, ਕਈ ਮੁੱਦਿਆਂ ‘ਤੇ ਗੱਲ ਕਰਦੀ ਹੈ। ਰਿਲੇਸ਼ਨਸ਼ਿਪ ਵਿੱਚ ਜੋ ਵਿਘਨ ਪੈ ਰਹੇ ਹਨ, ਇਹ ਉਨ੍ਹਾਂ ਦੀ ਗੱਲ ਕਰਦੀ ਹੈ। ਇਹ ਦੋ ਜਨਰੇਸ਼ਨਾਂ (ਪੀੜ੍ਹੀਆਂ) ਦੀ ਸੋਚ ਤੇ ਕੰਮ ਕਰਨ ਦੇ ਢੰਗ ਵਿੱਚ ਜੋ ਫਰਕ ਹੈ, ਉਸ ਨੂੰ ਵੀ ਦਰਸਾਉਂਦੀ ਹੈ। ਨਾਲ ਹੀ ਰਿਸ਼ਤਿਆਂ ਦੀ ਅਸਲ ਵੈਲਿਊ ਵੀ ਸਮਝਾਉਂਦੀ ਹੈ। ਇਹ ਕਹਾਣੀ ਇੱਕ 19 ਸਾਲ ਦੇ ਮੁੰਡੇ ਦੀ ਵੀ ਹੈ, ਜੋ ਹਾਲੇ ਕਾਲਜ ਵਿੱਚ ਨਵਾਂ-ਨਵਾਂ ਪੜ੍ਹਨ ਲੱਗਿਆ ਹੈ, ਤੇ ਨਾਲ ਹੀ ਇੱਕ 45 ਸਾਲ ਦੇ ਬੰਦੇ ਦੀ ਵੀ ਕਹਾਣੀ ਹੈ, ਜੋ ਕਾਲਜ ਪਾਸ ਕਰ ਚੁੱਕਿਆ ਹੈ। ਇਸ ਫ਼ਿਲਮ ਨੂੰ ਦੋਵੇਂ ਜਨਰੇਸ਼ਨਾਂ ਇਕੱਠੇ ਬੈਠ ਕੇ ਦੇਖ ਸਕਦੀਆਂ ਹਨ।ਇਹ ਫ਼ਿਲਮ ਤੁਹਾਨੂੰ ਤੁਹਾਡੇ ਆਪਣੇ ਪੁਰਾਣੇ ਯਾਰਾਂ ਦੀ ਯਾਦ ਬਹੁਤ ਦਿਵਾਏਗੀ — ਉਹ ਯਾਰ ਜੋ ਕਾਲਜ ਜਾਂ ਹੋਸਟਲ ਵਿੱਚ ਨਾਲ ਪੜ੍ਹਦੇ ਸੀ, ਪਰ ਹੁਣ ਕਿਤੇ ਦੁਨੀਆਦਾਰੀ ਵਿੱਚ ਗਵਾਚ ਗਏ ਨੇ। ਇਹ ਫ਼ਿਲਮ ਡਰਾਮਾ ਅਤੇ ਰੋਮਾਂਸ ਦੇ ਜ਼ਾਨਰ ਵਿੱਚ ਹੈ।ਇਸ ਫ਼ਿਲਮ ਦੇ ਨਿਰਮਾਤਾ (Producer) ਪ੍ਰਦੀਪ ਕੁਮਾਰ ਤੇ ਪੂਨਮ ਕੁਮਾਰੀ ਅਤੇ ਕਾਰਜਕਾਰੀ ਨਿਰਮਾਤਾ (Executive Producer) ਸੰਦੀਪ ਸਿੰਘ ਤੇ ਅਮਨ ਹਨ। ਫ਼ਿਲਮ ਦਾ ਮਿਊਜ਼ਿਕ ਜਤਿੰਦਰ ਸ਼ਾਹ ਵੱਲੋਂ ਤਿਆਰ ਕੀਤਾ ਗਿਆ ਹੈ ਤੇ ਇਸ ਫ਼ਿਲਮ ਦੇ ਗਾਣਿਆਂ ਨੂੰ ਕਲਮ ਮਿਲੀ ਹੈ ਹੈਪੀ ਰਾਏਕੋਟੀ ਦੀ। ਹੈਪੀ ਰਾਏਕੋਟੀ ਦੇ ਲਿਖੇ ਗਾਣੇ ਫ਼ਿਲਮ ਦੀ ਕਹਾਣੀ ਨੂੰ ਬਾ-ਕਮਾਲ ਤਰੀਕੇ ਨਾਲ ਪੇਸ਼ ਕਰਨਗੇ। ਫ਼ਿਲਮ ਦੇ ਨਿਰਦੇਸ਼ਕ ਵਜੋਂ ਪ੍ਰਵੀਨ ਕੁਮਾਰ ਦੀ ਮਿਹਨਤ ਵੀ ਸਾਫ਼ ਦਿਖਾਈ ਦੇਵੇਗੀ। ਅਮਨ ਸਿੱਧੂ ਵੱਲੋਂ ਲਿਖੀ ਕਹਾਣੀ ਤੁਹਾਨੂੰ ਬੋਰ ਨਹੀਂ ਕਰੇਗੀ। ਇਸ ਪੂਰੇ ਪ੍ਰੋਜੈਕਟ ‘ਚ ਡੀ.ਓ.ਪੀ. (DOP) ਦਾ ਕੰਮ ਕੀਤਾ ਹੈ ਸੋਨੀ ਸਿੰਘ ਨੇ। 2027 ‘ਚ ਇਹ ਫ਼ਿਲਮ (ਮੇਰਾ ਯਾਰ ਗਵਾਚਾ) ਸਿਨੇਮਾ ਘਰਾਂ ‘ਚ ਦਸਤਕ ਦੇਵੇਗੀ।

ਗੁਰਬਾਜ਼ ਸਿੰਘ, ਲੁਧਿਆਣਾ ਦਾ ਇੱਕ ਉੱਭਰਦਾ ਹੋਇਆ ਕਲਾਕਾਰ ਹੈ, ਜੋ ਪੰਜਾਬੀ ਫ਼ਿਲਮ ਇੰਡਸਟਰੀ ਵਿੱਚ ਆਪਣੀ ਮਿਹਨਤ ਨਾਲ ਆਪਣੀ ਇੱਕ ਵੱਖਰੀ ਪਛਾਣ ਬਣਾ ਰਿਹਾ ਹੈ। ਫ਼ਿਲਮ ‘ਸਰਪੰਚ’ ਵਿੱਚ ਉਸਦੀ ਸ਼ਾਨਦਾਰ ਅਦਾਕਾਰੀ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਉਸ ਵਿੱਚ ਇੱਕ ਪ੍ਰਭਾਵਸ਼ਾਲੀ ਅਦਾਕਾਰ ਬਣਨ ਦੀ ਪੂਰੀ ਸਮਰੱਥਾ ਹੈ। ਆਪਣੀ ਕਲਾ ਤੋਂ ਇਲਾਵਾ, ਉਹ ਆਪਣੇ ਬਹੁਤ ਹੀ ਨਿਮਰ ਅਤੇ ਜ਼ਮੀਨ ਨਾਲ ਜੁੜੇ ਸੁਭਾਅ ਲਈ ਜਾਣਿਆ ਜਾਂਦਾ ਹੈ। ਉਹ ਹਰ ਪ੍ਰੋਜੈਕਟ ਨੂੰ ਪੂਰੀ ਇਮਾਨਦਾਰੀ ਨਾਲ ਨਿਭਾਉਂਦਾ ਹੈ, ਜਿਸ ਨਾਲ ਉਹ ਆਪਣੇ ਦਰਸ਼ਕਾਂ ਨਾਲ ਇੱਕ ਡੂੰਘਾ ਅਤੇ ਸੱਚਾ ਰਿਸ਼ਤਾ ਕਾਇਮ ਕਰਦਾ ਹੈ।
ਉਸਦੀ ਇਹ ਪੇਸ਼ੇਵਰ ਪਰਿਪੱਕਤਾ ਅਤੇ ਜੜ੍ਹਾਂ ਨਾਲ ਜੁੜਿਆ ਰਹਿਣਾ ਹੀ ਹੈ, ਜੋ ਉਸਨੂੰ ਪੰਜਾਬ ਦੇ ਦਰਸ਼ਕਾਂ ਵਿੱਚ ਬੇਹੱਦ ਪਿਆਰਾ ਬਣਾਉਂਦਾ ਹੈ। ਉਹ ਚੰਗੀ ਤਰ੍ਹਾਂ ਸਮਝਦਾ ਹੈ ਕਿ ਇੱਕ ਕਲਾਕਾਰ ਦਾ ਕਰੀਅਰ ਸਿਰਫ਼ ਪ੍ਰਤਿਭਾ ਨਾਲ ਹੀ ਨਹੀਂ, ਸਗੋਂ ਅਨੁਸ਼ਾਸਨ, ਹਮਦਰਦੀ ਅਤੇ ਹਾਂ-ਪੱਖੀ ਸੋਚ ਨਾਲ ਬਣਦਾ ਹੈ। ਭਾਵੇਂ ਕੋਈ ਗੰਭੀਰ ਭੂਮਿਕਾ ਹੋਵੇ ਜਾਂ ਕੋਈ ਹੋਰ ਕਿਰਦਾਰ, ਉਸਦੀ ਮਿਹਨਤ ਉਸਦੇ ਹਰ ਕਿਰਦਾਰ ਨੂੰ ਯਾਦਗਾਰ ਬਣਾ ਦਿੰਦੀ ਹੈ। ‘ਸਰਪੰਚ’ ਵਰਗੀ ਫ਼ਿਲਮ ਵਿੱਚ ਮਿਲੀ ਸਫਲਤਾ ਦੇ ਨਾਲ, ਗੁਰਬਾਜ਼ ਸਿੰਘ ਇੱਕ ਅਜਿਹਾ ਕਲਾਕਾਰ ਹੈ ਜੋ ਪੰਜਾਬੀ ਸਿਨੇਮਾ ਵਿੱਚ ਲੰਬੀ ਦੌੜ ਦਾ ਘੋੜਾ ਸਾਬਤ ਹੋਵੇਗਾ ਅਤੇ ਆਉਣ ਵਾਲੇ ਸਮੇਂ ਵਿੱਚ ਇੱਕ ਮਜ਼ਬੂਤ ਅਦਾਕਾਰ ਵਜੋਂ ਉਭਰੇਗਾ।

ਮੋਹਾਲੀ, 23 ਜੂਨ 2026: ਯੰਗ ਸਟੂਡੀਓਜ਼ ਨੇ ਆਪਣੀ ਆਉਣ ਵਾਲੀ ਪੰਜਾਬੀ ਫ਼ੀਚਰ ਫ਼ਿਲਮ ‘ਜੋਬਨ ਰੁੱਤੇ’ ਦਾ ਐਲਾਨ ਕਰ ਦਿੱਤਾ ਹੈ। ਇਹ ਫ਼ਿਲਮ 5 ਮਾਰਚ 2027 ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਇਸ ਫ਼ਿਲਮ ਰਾਹੀਂ ਕਲਾਕਾਰ ਗੁਰੀ ਖੱਟੜਾ ਨੂੰ ਇੱਕ ਖਾਸ ਕਿਰਦਾਰ ਵਿੱਚ ਪੇਸ਼ ਕੀਤਾ ਜਾ ਰਿਹਾ ਹੈ ।ਫ਼ਿਲਮ ਦਾ ਨਿਰਦੇਸ਼ਨ ਮਸ਼ਹੂਰ ਡਾਇਰੈਕਟਰ ਜੋੜੀ ਟਰੂ ਮੇਕਰਜ਼ ਕਰ ਰਹੀ ਹੈ, ਜਦਕਿ ਇਸ ਦੀ ਕਹਾਣੀ ਅਤੇ ਸਕ੍ਰੀਨਪਲੇ ਜਾਣੇ-ਪਛਾਣੇ ਲੇਖਕ ਭਿੰਡੀ ਟੋਲਾਵਾਲ ਵੱਲੋਂ ਲਿਖਿਆ ਗਿਆ ਹੈ। ਫ਼ਿਲਮ ਵਿੱਚ ਜਜ਼ਬਾਤ, ਮਨੋਰੰਜਨ ਅਤੇ ਦਮਦਾਰ ਅਦਾਕਾਰੀ ਦਾ ਖੂਬਸੂਰਤ ਮੇਲ ਦੇਖਣ ਨੂੰ ਮਿਲੇਗਾ।ਇਸ ਪ੍ਰੋਜੈਕਟ ਨੂੰ ਕਲੈਪਸ ਐਂਡ ਲੈਜਰ ਵੱਲੋਂ ਤਿਆਰ ਕੀਤਾ ਜਾ ਰਿਹਾ ਹੈ ਅਤੇ ਅਰੁਣ ਸ਼ਰਮਾ ਇਸ ਦੇ ਲਾਈਨ ਪ੍ਰੋਡਿਊਸਰ ਹਨ। ਉੱਧਰ ਯੰਗ ਸਟੂਡੀਓਜ਼ ਇਸ ਫ਼ਿਲਮ ਨੂੰ ਪ੍ਰੋਡਿਊਸ ਕਰ ਰਿਹਾ ਹੈ, ਜੋ ਲਗਾਤਾਰ ਪੰਜਾਬੀ ਸਿਨੇਮਾ ਨੂੰ ਨਵੇਂ ਅਤੇ ਵਧੀਆ ਵਿਸ਼ਿਆਂ ਵਾਲੀਆਂ ਫ਼ਿਲਮਾਂ ਦੇਣ ਲਈ ਜਾਣਿਆ ਜਾਂਦਾ ਹੈ।ਮਜ਼ਬੂਤ ਕਹਾਣੀ, ਤਜਰਬੇਕਾਰ ਕ੍ਰਿਏਟਿਵ ਟੀਮ ਅਤੇ ਨਵੀਂ ਸੋਚ ਨਾਲ ਬਣ ਰਹੀ ‘ਜੋਬਨ ਰੁੱਤੇ’ ਨੂੰ ਸਾਲ 2027 ਦੀਆਂ ਸਭ ਤੋਂ ਚਰਚਿਤ ਪੰਜਾਬੀ ਫ਼ਿਲਮਾਂ ਵਿੱਚੋਂ ਇੱਕ ਮੰਨਿਆ ਜਾ ਰਿਹਾ ਹੈ। ਫ਼ਿਲਮ ਦਾ ਮਕਸਦ ਆਪਣੀ ਦਿਲਚਸਪ ਕਹਾਣੀ, ਯਾਦਗਾਰ ਕਿਰਦਾਰਾਂ ਅਤੇ ਸ਼ਾਨਦਾਰ ਪੇਸ਼ਕਾਰੀ ਰਾਹੀਂ ਦਰਸ਼ਕਾਂ ਨਾਲ ਜੁੜਨਾ ਹੈ।ਫ਼ਿਲਮ ਦਾ ਪਹਿਲਾ ਅਨਾਊਂਸਮੈਂਟ ਪੋਸਟਰ ਸਾਹਮਣੇ ਆਉਂਦੇ ਹੀ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਇਸ ਦੇ ਨਾਲ ਹੀ ਗੁਰੀ ਖੱਟੜਾ ਦੀ ਐਂਟਰੀ ਨੇ ਵੀ ਫ਼ਿਲਮ ਨੂੰ ਲੈ ਕੇ ਉਤਸ਼ਾਹ ਹੋਰ ਵਧਾ ਦਿੱਤਾ ਹੈ। ਆਉਣ ਵਾਲੇ ਸਮੇਂ ਵਿੱਚ ਫ਼ਿਲਮ ਦੀ ਕਾਸਟ, ਸੰਗੀਤ ਅਤੇ ਹੋਰ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ ਜਾਣਗੀਆਂ।’ਜੋਬਨ ਰੁੱਤੇ’ 5 ਮਾਰਚ 2027 ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।