ਮੋਹਾਲੀ: ਵਿਸਾਖੀ ਵਾਲੇ ਦਿਨ ਮੋਹਾਲੀ ਦੇ ਸੀਪੀ ਮਾਲ ਦੇ ਬਣੇ ਪੀਵੀਆਰ ਵਿੱਚ ਨਵੀਂ ਪੰਜਾਬੀ ਫਿਲਮ ਦਾ ਪਹਿਲਾ ਪੋਸਟਰ ਰੀਲੀਜ਼ ਕੀਤਾ ਗਿਆ ਇਸ ਖਾਸ ਮੌਕੇ ਗੁਰਬਾਣੀ ਕੀਰਤਨ ਦੀ ਇਲਾਹੀ ਬਾਣੀ ਸਰਵਨ ਕੀਤੀ ਇਸ ਖਾਸ ਮੌਕੇ ਤੇ ਕਈ ਮਹਿਨਾਜ ਹਸਤੀਆਂ ਹਾਜ਼ਿਰ ਸਨ ਜਿਨ੍ਹਾਂ ਵਿੱਚ ਅਦਾਕਾਰ ਤੇ ਗਾਇਕ ਐਮੀ ਵਿਰਕ ਤੇ ਅਦਾਕਾਰਾ ਰੂਪੀ ਗਿੱਲ ਹਾਜ਼ਿਰ ਸਨ ,ਪੰਜਾਬੀ ਫਿਲਮ ਚੜ੍ਹਦੀਕਲਾ ਨੂੰ ਨਾਮਵਰ ਨਿਰਦੇਸ਼ਕ ਅਮਰਜੀਤ ਸਾਰੋਂ ਕਰ ਰਹੇ ਹਨ ਜਦੋਂ ਕਿ ਨਿਰਮਾਤਾ ਹਨ ਪਿੰਕੀ ਧਾਲੀਵਾਲ ਇਸ ਪੋਸਟਰ ਲਾਂਚਇੰਗ ਮੌਕੇ ਤੇ ਫਿਲਮ ਦੀ ਟੀਮ ਵੱਲੋਂ ਉਹਨਾਂ ਕਿਸਾਨਾਂ ਦੀ ਮਦਦ ਕੀਤੀ ਗਈ ਜਿਹਨਾਂ ਦੀ ਫਸਲ ਗੜੇ ਤੇ ਵਾਰਿਸ਼ ਨਾਲ ਖਰਾਬ ਹੋ ਚੁੱਕੀ ਸੀ ਜਿਕਰਯੋਗ ਹੈ ਕਿ ਬੀਬੀ ਰਜ਼ਨੀ ਤੋਂ ਬਾਅਦ ਪੰਜਾਬੀ ਫਿਲਮਾਂ ਦੀ ਮਹਾਨ ਅਦਾਕਾਰਾ “ ਰੂਪੀ ਗਿੱਲ ” ਨਜ਼ਰ
ਆਏਗੀ ਨਵੀਂ ਪੰਜਾਬੀ ਫਿਲਮ “ ਚੜ੍ਹਦੀਕਲਾ ” ਵਿਚ – ਨਾਲ ਨਜ਼ਰ
ਆਉਣਗੇ “ ਸੁਪਰਸਟਾਰ ” ਐਮੀ ਵਿਰਕ “

ਪੰਜਾਬੀ ਫਿਲਮਾਂ ਦਾ ਜਾਦੂ ਦਰਸ਼ਕਾਂ ਦੇ ਸਿਰ ਚੜ੍ਹ ਕੇ ਬੋਲ ਰਿਹਾ ਹੇ ਗੱਲ ਕਰਦੇ ਹਾਂ ਆਉਣ ਵਾਲੀ ਫਿਲਮ ਕੈਰੀ ਆਨ ਜੱਟਾ 4 ਦੀ ਜਿਸ ਵਿੱਚ ਗਿੱਪੀ ਗਰੇਵਾਲ,ਸਰਗੁਨ ਮਹਿਤਾ ,ਬੀਨੂੰ ਢਿੱਲੋਂ ਦੇ ਨਾਲ ਨਾਲ ਮਰਹੂਮ ਜਸਵਿੰਦਰ ਭੱਲਾ ਜੀ ਨੂੰ ਬੀ.ਐਫ.ਐਕਸ ਤੇ ਸੀ ਜੀ ਟਕਨੀਕ ਰਾਂਹੀ ਪਰਦੇ ਤੇ ਪੇਸ਼ ਕੀਤਾ ਹੈ ਇਸ ਵਾਰ ਵੀ ਕਹਾਣੀ ਪਿਓ ਤੇ ਪੁੱਤਾਂ ਦੇ ਰਿਸ਼ਿਤਿਆਂ ਨੂੰ ਦਰਸਾਂਉਦੀ ਹੈ ਜਿਵੇਂ ਹੀ ਸੋਸ਼ਲ ਮੀਡੀਆ ਤੇ ਟੀਜ਼ਰ ਲਾਂਚ ਹੋਇਆ ਤਾਂ ਪੂਰੇ ਸੋਸ਼ਲ ਮੀਡੀਆ ਤੇ ਚਰਚਾ ਦਾ ਵਿਸ਼ਾ ਬਣ ਗਿਆ ਤੇ ਦਰਸ਼ਕ ਭਾਵੁਕ ਹੁੰਦੇ ਹੋਏ ਨਜ਼ਰ ਆਏ ,ਕੈਰੀ ਆਨ ਜੱਟਾ 4 ਨੂੰ ਸਮੀਪ ਕੰਗ ਨੇ ਡਾਇਰੈਕਟ ਕੀਤਾ ਹੈ ਤੇ ਫਿਲਮ ਦੀ ਕਹਾਣੀ-ਡਾਇਲਾਗ ਤੇ ਸਕਰੀਨ ਪਲੈਅ ਨਰੇਸ਼ ਕਥੂਰੀਆ ਨੇ ਲਿਖੇ ਹਨ ਇਸ ਫਿਲਮ ਨੂੰ ਖੁਦ ਗਿੱਪੀ ਗਰੇਵਾਲ ਤੇ ਰਵਨੀਤ ਕੌਰ ਗਰੇਵਾਲ ਨੇ ਪੋ੍ਰਡਿਊਸ ਕੀਤਾ ਹੈ ,ਫਿਲਮ ਦੇ ਵਿੱਚ ਜਿਥੇ ਹਾਸਾ ਨਜ਼ਰ ਆਵੇਗਾ ਉਥੇ ਦਰਸ਼ਕ ਇਸ ਵਾਰ ਮਰਹੂਮ ਜਸਵਿੰਦਰ ਭੱਲਾ ਜੀ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕਰਦੇ ਹੋਏ ਸਿਨੇਮਾ ਘਰਾਂ ਵਿੱਚ ਨਜ਼ਰ ਆਉਣਗੇ “ ਪੰਜਾਬੀ ਫਿਲਮ ਕੈਰੀ ਆਨ ਜੱਟਾ 4 ਦਾ ਮਿਉਜ਼ਿਕ ਜਤਿੰਦਰ ਸ਼ਾਹ ਵੱਲੋਂ ਤਿਆਰ ਕੀਤਾ ਗਿਆ ਹੈ ਇਹਨਾਂ ਕਲਾਕਾਰਾਂ ਤੋਂ ਇਲਾਵਾ ਗੁਰਪ੍ਰੀਤ ਘੁੱਗੀ,ਕਰਮਜੀਤ ਅਨਮੋਲ,ਪੁਖਰਾਜ ਭੱਲਾ,ਬੀ ਐਨ ਸ਼ਰਮਾ,ਪ੍ਰਿੰਸ ਕੰਵਲਜੀਤ,ਜੈਸਮਿਨ ਬਾਜਵਾ ,ਸਵੀਤਾਜ ਬਰਾੜ ਤੋਂ ਇਲਾਵਾ ਭਾਨਾ ਐਲ.ਏ ਕੰਮ ਕਰ ਰਹੇ ਹਨ ਤੇ ਫਿਲਮ ਦੀ ਡਿਸਟ੍ਰੀਬਊਸ਼ਨ ਓਮ ਜੀ ਸਿਨੇਵਰਲਡ ਵੱਲੋਂ ਕੀਤੀ ਜਾ ਰਹੀ ਹੈ ਤੇ ਫਿਲਮ ਨੂੰ ਐਡਿਟ ਕੀਤਾ ਹੇ ਰੋਹਿਤ ਧੀਮਾਨ ਨੇ ,ਫਿਲਮ ਕੈਰੀ ਆਨ ਜੱਟਾ 4 “ 26 ਜੂਨ 2026 ਨੂੰ ਪੂਰੀ ਦੁਨੀਆਂ ਵਿੱਚ ਰੀਲੀਜ਼ ਹੋਵੇਗੀ ਤੇ ਦਰਸ਼ਕਾਂ ਨੂੰ ਬੜੀ ਬੇਸਬਰੀ ਨਾਲ ਉਡੀਕ ਹੈ ਫਿਲਮ ਕੈਰੀ ਆਨ ਜੱਟਾ 4 ਦੀ

ਮੋਹਾਲੀ, 8 ਮਾਰਚ 2026: ਫਿਲਮ “ਰੱਬ ਦਾ ਰੇਡੀਓ 3” ਦੀ ਟੀਮ ਨੇ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੇ ਮੌਕੇ ‘ਤੇ ਇੱਕ ਖਾਸ ਪ੍ਰੈਸ ਕਾਨਫਰੰਸ ਕਰਵਾਈ, ਜਿਸ ਵਿੱਚ ਫਿਲਮ ਦਾ ਅਧਿਕਾਰਕ ਪੋਸਟਰ ਲਾਂਚ ਕੀਤਾ ਗਿਆ ਅਤੇ ਪਹਿਲਾ ਗਾਣਾ ਰਿਲੀਜ਼ ਕੀਤਾ ਗਿਆ। ਇਸ ਮੌਕੇ ‘ਤੇ ਮੀਡੀਆ ਅਤੇ ਫੈਨਜ਼ ਵਿੱਚ ਕਾਫ਼ੀ ਉਤਸ਼ਾਹ ਦੇਖਣ ਨੂੰ ਮਿਲਿਆ। ਇਹ ਫਿਲਮ 3 ਅਪ੍ਰੈਲ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ।

“ਵੇਹਲੀ ਜਨਤਾ ਫਿਲਮਜ਼” ਦੇ ਬੈਨਰ ਹੇਠ ਬਣੀ ਇਸ ਫਿਲਮ ਦਾ ਨਿਰਦੇਸ਼ਨ ਹੈਰੀ ਭੱਟੀ ਨੇ ਕੀਤਾ ਹੈ ਅਤੇ ਇਸਨੂੰ ਮਨਪ੍ਰੀਤ ਸਿੰਘ ਜੋਹਲ ਨੇ ਪ੍ਰੋਡਿਊਸ ਕੀਤਾ ਹੈ। ਫਿਲਮ ਦੀ ਸਿਨੇਮਾਟੋਗ੍ਰਾਫੀ ਜੇਪੀ ਸਿੰਘ ਨੇ ਕੀਤੀ ਹੈ। ਫਿਲਮ ਵਿੱਚ ਤਰਸੇਮ ਜੱਸੜ ਅਤੇ ਨਿਮਰਤ ਖਹਿਰਾ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।

ਪ੍ਰੈਸ ਕਾਨਫਰੰਸ ਵਿੱਚ ਫਿਲਮ ਨਾਲ ਜੁੜੇ ਕਈ ਕਲਾਕਾਰ ਵੀ ਮੌਜੂਦ ਰਹੇ, ਜਿਨ੍ਹਾਂ ਵਿੱਚ ਨਿਰਮਲ ਰਿਸ਼ੀ, ਰੌਣਕ ਜੋਸ਼ੀ, ਜਤਿੰਦਰ ਕੌਰ, ਸੁਨੀਤਾ ਧੀਰ, ਸੀਮਾ ਕੌਸ਼ਲ, ਗੁਰਪ੍ਰੀਤ ਭੰਗੂ, ਰੁਪਿੰਦਰ ਰੂਪੀ, ਸਤਵੰਤ ਕੌਰ, ਪਵਨ ਜੋਹਲ, ਕੁਲਬੀਰ ਵਿਰਕ, ਅਮਨਜੋਤ ਅਮੂ, ਸਾਂਸ਼ੀ ਅਤੇ ਅਪਨੀਤ ਬਾਜਵਾ ਸ਼ਾਮਲ ਸਨ।

ਕਿਉਂਕਿ ਇਹ ਪ੍ਰੋਗਰਾਮ ਮਹਿਲਾ ਦਿਵਸ ਦੇ ਮੌਕੇ ‘ਤੇ ਕੀਤਾ ਗਿਆ ਸੀ, ਇਸ ਲਈ ਫਿਲਮ ਦੀ ਟੀਮ ਨੇ ਇਹ ਦਿਨ ਫਿਲਮ ਦੇ ਮਜ਼ਬੂਤ ਮਹਿਲਾ ਕਿਰਦਾਰਾਂ ਨੂੰ ਸਮਰਪਿਤ ਕੀਤਾ। ਫਿਲਮ ਦਾ ਪੋਸਟਰ ਪਰਿਵਾਰ, ਪਿਆਰ ਅਤੇ ਰਿਸ਼ਤਿਆਂ ਦੀ ਭਾਵਨਾ ਨੂੰ ਦਰਸਾਉਂਦਾ ਹੈ, ਜੋ “ਰੱਬ ਦਾ ਰੇਡੀਓ” ਸੀਰੀਜ਼ ਦੀ ਖਾਸ ਪਹਿਚਾਣ ਰਹੀ ਹੈ।

ਪੋਸਟਰ ਅਤੇ ਪਹਿਲੇ ਗਾਣੇ ਦੇ ਲਾਂਚ ਤੋਂ ਬਾਅਦ ਦਰਸ਼ਕਾਂ ਵਿੱਚ ਫਿਲਮ ਨੂੰ ਲੈ ਕੇ ਹੋਰ ਵੀ ਉਤਸ਼ਾਹ ਵਧ ਗਿਆ ਹੈ। “ਰੱਬ ਦਾ ਰੇਡੀਓ 3” ਇੱਕ ਵਾਰ ਫਿਰ ਦਿਲ ਨੂੰ ਛੂਹਣ ਵਾਲੀ ਕਹਾਣੀ ਨਾਲ 3 ਅਪ੍ਰੈਲ 2026 ਨੂੰ ਵੱਡੇ ਪਰਦੇ ‘ਤੇ ਆਉਣ ਲਈ ਤਿਆਰ ਹੈ।