ਨਵੇਂ ਡਿਜ਼ਾਈਨ, ਪ੍ਰੀਮੀਅਮ ਕਮਫਰਟ ਅਤੇ ਸਮਾਰਟ ਟੈਕਨਾਲੋਜੀ ਨਾਲ ਮਹਿੰਦਰਾ ਦੀ ਆਈਕਾਨਿਕ SUV ਨੇ ਮਾਰੀ ਨਵੀਂ ਐਂਟਰੀ

ਮੋਹਾਲੀ, ਪੰਜਾਬ: ਮਹਿੰਦਰਾ ਐਂਡ ਮਹਿੰਦਰਾ ਦੀ ਆਈਕਾਨਿਕ SUV ਸਕਾਰਪੀਓ-N ਨੇ ਨਵੇਂ ਫੀਚਰਜ਼ ਅਤੇ ਅਪਗ੍ਰੇਡਡ ਟੈਕਨਾਲੋਜੀ ਨਾਲ ਰਾਜ ਮੋਟਰਜ਼, ਮੋਹਾਲੀ ਵਿਖੇ ਆਪਣੀ ਨਵੀਂ ਝਲਕ ਪੇਸ਼ ਕੀਤੀ। ਇਸ ਮੌਕੇ ਹੋਈ ਵਿਸ਼ੇਸ਼ ਪ੍ਰੈੱਸ ਕਾਨਫਰੰਸ ਵਿੱਚ ਆਟੋਮੋਬਾਈਲ ਪ੍ਰੇਮੀਆਂ, ਮੀਡੀਆ ਨੁਮਾਇੰਦਿਆਂ ਅਤੇ ਉਦਯੋਗ ਨਾਲ ਜੁੜੀਆਂ ਸ਼ਖਸੀਅਤਾਂ ਨੇ ਨਵੀਂ ਸਕਾਰਪੀਓ-N ਦੇ ਅਪਗ੍ਰੇਡਡ ਫੀਚਰਜ਼ ਦਾ ਅਨੁਭਵ ਕੀਤਾ। ਸਮਾਗਮ ਵਿੱਚ ਚੀਫ ਗੈਸਟ ਅਦਾਕਾਰਾ ਅਤੇ ਮਾਡਲ ਸੀਰਤ ਬਾਜਵਾ ਵੀ ਮੌਜੂਦ ਰਹੇ।

ਨਵੀਂ ਸਕਾਰਪੀਓ-N ਨੇ ਆਪਣੇ ਦਮਦਾਰ ਅੰਦਾਜ਼ ਨੂੰ ਬਰਕਰਾਰ ਰੱਖਦਿਆਂ ਹੁਣ ਟੈਕਨਾਲੋਜੀ ਅਤੇ ਲਗਜ਼ਰੀ ਦਾ ਨਵਾਂ ਤੜਕਾ ਲਗਾਇਆ ਹੈ। SUV ਵਿੱਚ ਪੈਨੋਰਾਮਿਕ ਸਕਾਈਰੂਫ™, 540° ਸਰਾਊਂਡ ਵਿਊ ਸਿਸਟਮ ਵਿਦ ਬਲਾਈਂਡ ਵਿਊ ਮਾਨੀਟਰ, R18 ਡਾਇਮੰਡ ਕਟ ਅਲੌਏ ਵ੍ਹੀਲਜ਼, 31.24 ਸੈਂਟੀਮੀਟਰ HD ਫਲੋਟਿੰਗ ਟੱਚਸਕ੍ਰੀਨ ਅਤੇ 26.03 ਸੈਂਟੀਮੀਟਰ HD ਡਿਜੀਟਲ ਕਲੱਸਟਰ ਵਰਗੇ ਨਵੇਂ ਫੀਚਰਜ਼ ਸ਼ਾਮਲ ਕੀਤੇ ਗਏ ਹਨ।

ਕਨੈਕਟੀਵਿਟੀ ਨੂੰ ਹੋਰ ਸਮਾਰਟ ਬਣਾਉਂਦਿਆਂ ਸਕਾਰਪੀਓ-N ਵਿੱਚ 70+ ਕਨੈਕਟਡ ਫੀਚਰਜ਼ ਵਾਲਾ Adrenox, Alexa Built-in, Wireless Apple CarPlay ਅਤੇ Android Auto ਦਿੱਤੇ ਗਏ ਹਨ। ਇਸ ਦੇ ਨਾਲ 12-ਸਪੀਕਰ Sony ਪ੍ਰੀਮੀਅਮ ਆਡੀਓ ਸਿਸਟਮ ਵਿਦ 3D ਸਰਾਊਂਡ ਸਾਊਂਡ, ਵੈਂਟੀਲੇਟਿਡ ਡਰਾਈਵਰ ਅਤੇ ਕੋ-ਡਰਾਈਵਰ ਸੀਟਾਂ, Auto-Dimming IRVM ਅਤੇ Active Cooling ਵਾਲਾ Wireless Charger ਵੀ ਮਿਲਦਾ ਹੈ।

ਸੇਫਟੀ ਨੂੰ ਵੀ ਖਾਸ ਤਰਜੀਹ ਦਿੱਤੀ ਗਈ ਹੈ। ਸਕਾਰਪੀਓ-N ਵਿੱਚ Level 2 ADAS, 6 ਏਅਰਬੈਗਜ਼, ਤੀਜੀ ਕਤਾਰ ਤੱਕ Curtain Airbags, Driver Drowsiness Detection, Electronic Stability Control, ABS with EBD, Hill Hold & Descent Control, Tyretronics, SOS Emergency Assistance ਅਤੇ ISOFIX ਵਰਗੇ ਫੀਚਰਜ਼ ਮੌਜੂਦ ਹਨ।

ਐਡਵੈਂਚਰ ਲਵਰਜ਼ ਲਈ Adventure Statistics ਇੰਜਣ ਪਰਫਾਰਮੈਂਸ, Roll, Pitch, Compass, Altimeter ਅਤੇ G-Force ਵਰਗੀ ਜਾਣਕਾਰੀ ਪ੍ਰਦਾਨ ਕਰਦੇ ਹਨ। ਇਸ ਤੋਂ ਇਲਾਵਾ 65W USB Type-C Fast Charging ਅਤੇ UV & IR-Cut Glass ਵੀ SUV ਦੀਆਂ ਖਾਸੀਅਤਾਂ ਵਿੱਚ ਸ਼ਾਮਲ ਹਨ।

ਸਕਾਰਪੀਓ-N Z2, Z4, Z6, Z8S, Z8, Z8T ਅਤੇ Z8L ਵੇਰੀਐਂਟਸ ਵਿੱਚ ਉਪਲਬਧ ਹੈ, ਜਿਸ ਵਿੱਚ ਪੈਟਰੋਲ ਅਤੇ ਡੀਜ਼ਲ ਇੰਜਣਾਂ ਦੇ ਨਾਲ ਵੱਖ-ਵੱਖ ਟ੍ਰਾਂਸਮਿਸ਼ਨ ਅਤੇ 2WD/4WD ਵਿਕਲਪ ਮਿਲਦੇ ਹਨ। ਇਹ SUV Oceanic, Everest White, Galaxy Grey, Deep Forest ਅਤੇ Stealth Black ਰੰਗਾਂ ਵਿੱਚ ਉਪਲਬਧ ਹੈ।

2022 ਵਿੱਚ ਲਾਂਚ ਹੋਣ ਤੋਂ ਬਾਅਦ ਸਕਾਰਪੀਓ-N ਨੇ 3.8 ਲੱਖ ਤੋਂ ਵੱਧ ਯੂਨਿਟਸ ਦੀ ਵਿਕਰੀ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਨਵੇਂ ਫੀਚਰਜ਼ ਦੇ ਨਾਲ ਸਕਾਰਪੀਓ-N ਨੇ ਇੱਕ ਵਾਰ ਫਿਰ ਸਾਬਤ ਕੀਤਾ ਕਿ ਰੁਤਬਾ ਪੁਰਾਣਾ ਹੋ ਸਕਦਾ ਹੈ, ਪਰ ਅੰਦਾਜ਼ ਹਮੇਸ਼ਾ ਨਵਾਂ ਹੋ ਸਕਦਾ ਹੈ।

ਉਦਯੋਗਾਂ ਦੀਆਂ ਬਦਲਦੀਆਂ ਲੋੜਾਂ ਅਨੁਸਾਰ ਵਿਦਿਆਰਥੀਆਂ ਨੂੰ ਆਧੁਨਿਕ ਅਤੇ ਉਦਯੋਗ-ਕੇਂਦਰਿਤ ਸਿੱਖਿਆ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਨੇ ਆਈਬੀਐਮ – ਉੱਭਰਦੀਆਂ ਤਕਨਾਲੋਜੀਆਂ ਦੇ ਸੈਂਟਰ ਆਫ਼ ਐਕਸੀਲੈਂਸ ਦੀ ਸ਼ੁਰੂਆਤ ਕੀਤੀ ਹੈ। ਇਹ ਕੇਂਦਰ ਵਿਦਿਆਰਥੀਆਂ ਨੂੰ ਨਵੀਆਂ ਤਕਨਾਲੋਜੀਆਂ ਦਾ ਵਿਹਾਰਕ ਗਿਆਨ ਦੇਣ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਭਵਿੱਖ ਦੀਆਂ ਚੁਣੌਤੀਆਂ ਲਈ ਵੀ ਤਿਆਰ ਕਰੇਗਾ।

ਇਸ ਕੇਂਦਰ ਦਾ ਉਦਘਾਟਨ ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਦੇ ਮਾਣਯੋਗ ਮੈਨੇਜਿੰਗ ਡਾਇਰੈਕਟਰ ਸ੍ਰੀ ਅਰਸ਼ ਧਾਲੀਵਾਲ, ਕਾਰਜਕਾਰੀ ਉਪ ਪ੍ਰਧਾਨ ਡਾ. ਸੁਸ਼ੀਲ ਪ੍ਰਾਸ਼ਰ, ਆਈਬੀਐਮ ਦੇ ਸੀਨੀਅਰ ਅਧਿਕਾਰੀਆਂ, ਯੂਨੀਵਰਸਿਟੀ ਦੇ ਅਧਿਆਪਕਾਂ ਅਤੇ ਹੋਰ ਪਤਵੰਤੇ ਮਹਿਮਾਨਾਂ ਦੀ ਹਾਜ਼ਰੀ ਵਿੱਚ ਕੀਤਾ ਗਿਆ। ਇਸ ਮੌਕੇ ਸਿੱਖਿਆ ਅਤੇ ਉਦਯੋਗ ਦਰਮਿਆਨ ਸਹਿਯੋਗ ਨੂੰ ਹੋਰ ਮਜ਼ਬੂਤ ਬਣਾਉਣ ਅਤੇ ਵਿਦਿਆਰਥੀਆਂ ਨੂੰ ਰੁਜ਼ਗਾਰ ਦੇ ਬਿਹਤਰ ਮੌਕੇ ਪ੍ਰਦਾਨ ਕਰਨ ਦੀ ਵਚਨਬੱਧਤਾ ਦੁਹਰਾਈ ਗਈ।

ਇਸ ਕੇਂਦਰ ਰਾਹੀਂ ਯੂਨੀਵਰਸਿਟੀ ਦੇ ਪਾਠਕ੍ਰਮ ਵਿੱਚ ਆਈਬੀਐਮ ਵੱਲੋਂ ਤਿਆਰ ਕੀਤੀ ਗਈ ਅਧਿਐਨ ਸਮੱਗਰੀ, ਅੰਤਰਰਾਸ਼ਟਰੀ ਪੱਧਰ ਦੇ ਪ੍ਰਮਾਣ-ਪੱਤਰ ਅਤੇ ਵਿਹਾਰਕ ਸਿਖਲਾਈ ਨੂੰ ਸ਼ਾਮਲ ਕੀਤਾ ਜਾਵੇਗਾ। ਇਸ ਦਾ ਉਦੇਸ਼ ਵਿਦਿਆਰਥੀਆਂ ਨੂੰ ਸਿਰਫ਼ ਸਿਧਾਂਤਕ ਗਿਆਨ ਤੱਕ ਸੀਮਿਤ ਨਾ ਰੱਖਦਿਆਂ ਉਨ੍ਹਾਂ ਨੂੰ ਅਸਲ ਕਾਰਜ-ਖੇਤਰ ਦਾ ਤਜਰਬਾ ਵੀ ਪ੍ਰਦਾਨ ਕਰਨਾ ਹੈ।

ਇੰਜੀਨੀਅਰਿੰਗ ਅਤੇ ਪ੍ਰਬੰਧਨ ਦੇ ਵਿਦਿਆਰਥੀਆਂ ਲਈ ਸਥਾਪਿਤ ਇਹ ਕੇਂਦਰ ਆਈਬੀਐਮ ਦੇ ਮਾਨਤਾ ਪ੍ਰਾਪਤ ਵਿਸ਼ਾ ਮਾਹਿਰਾਂ ਦੀ ਰਹਿਨੁਮਾਈ ਹੇਠ ਪ੍ਰੋਜੈਕਟਾਂ, ਕੇਸ ਸਟੱਡੀਜ਼ ਅਤੇ ਵਿਹਾਰਕ ਸਿਖਲਾਈ ਰਾਹੀਂ ਉਦਯੋਗ-ਅਨੁਕੂਲ ਸਿੱਖਣ ਦਾ ਮੌਕਾ ਪ੍ਰਦਾਨ ਕਰੇਗਾ। ਇੱਥੇ ਵਿਦਿਆਰਥੀਆਂ ਨੂੰ ਕ੍ਰਿਤ੍ਰਿਮ ਬੁੱਧੀਮਤਾ, ਜਨਰੇਟਿਵ ਕ੍ਰਿਤ੍ਰਿਮ ਬੁੱਧੀਮਤਾ, ਡਾਟਾ ਸਾਇੰਸ, ਮਸ਼ੀਨ ਲਰਨਿੰਗ, ਕੁਆਂਟਮ ਕੰਪਿਊਟਿੰਗ, ਬਿਜ਼ਨਸ ਐਨਾਲਿਟਿਕਸ ਅਤੇ ਹੋਰ ਆਧੁਨਿਕ ਤਕਨਾਲੋਜੀ ਖੇਤਰਾਂ ਬਾਰੇ ਜਾਣਕਾਰੀ ਅਤੇ ਵਿਹਾਰਕ ਤਜਰਬਾ ਦਿੱਤਾ ਜਾਵੇਗਾ, ਜਿਨ੍ਹਾਂ ਦੀ ਵਿਸ਼ਵ ਪੱਧਰ ‘ਤੇ ਲਗਾਤਾਰ ਮੰਗ ਵਧ ਰਹੀ ਹੈ।

ਵਿਦਿਆਰਥੀਆਂ ਨੂੰ ਆਈਬੀਐਮ ਦੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਮਾਨਤਾ ਪ੍ਰਾਪਤ ਪ੍ਰਮਾਣ-ਪੱਤਰ ਹਾਸਲ ਕਰਨ ਦਾ ਮੌਕਾ ਵੀ ਮਿਲੇਗਾ, ਜਿਸ ਨਾਲ ਉਨ੍ਹਾਂ ਦੀ ਤਕਨੀਕੀ ਯੋਗਤਾ ਨੂੰ ਵਿਸ਼ਵ ਪੱਧਰ ‘ਤੇ ਮਾਨਤਾ ਮਿਲੇਗੀ ਅਤੇ ਦੇਸ਼-ਵਿਦੇਸ਼ ਦੀਆਂ ਨਾਮਵਰ ਕੰਪਨੀਆਂ ਵਿੱਚ ਰੁਜ਼ਗਾਰ ਦੇ ਮੌਕੇ ਹੋਰ ਮਜ਼ਬੂਤ ਹੋਣਗੇ। ਇਸ ਤੋਂ ਇਲਾਵਾ ਉਨ੍ਹਾਂ ਨੂੰ ਆਧੁਨਿਕ ਸਿੱਖਣ ਸਰੋਤਾਂ, ਉਦਯੋਗ-ਆਧਾਰਿਤ ਅਧਿਐਨ ਸਮੱਗਰੀ ਅਤੇ ਵਿਹਾਰਕ ਸਮੱਸਿਆਵਾਂ ਦੇ ਹੱਲ ‘ਤੇ ਆਧਾਰਿਤ ਸਿਖਲਾਈ ਦਾ ਵੀ ਲਾਭ ਮਿਲੇਗਾ।

ਇਸ ਮੌਕੇ ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਦੇ ਮਾਣਯੋਗ ਮੈਨੇਜਿੰਗ ਡਾਇਰੈਕਟਰ ਸ੍ਰੀ ਅਰਸ਼ ਧਾਲੀਵਾਲ ਨੇ ਕਿਹਾ ਕਿ ਯੂਨੀਵਰਸਿਟੀ ਦਾ ਉਦੇਸ਼ ਅਜਿਹਾ ਸਿੱਖਿਆ ਮਾਹੌਲ ਤਿਆਰ ਕਰਨਾ ਹੈ, ਜੋ ਉਦਯੋਗਾਂ ਦੀਆਂ ਬਦਲਦੀਆਂ ਲੋੜਾਂ ਦੇ ਨਾਲ ਕਦਮ ਮਿਲਾ ਕੇ ਅੱਗੇ ਵਧੇ। ਉਨ੍ਹਾਂ ਕਿਹਾ ਕਿ ਆਈਬੀਐਮ ਨਾਲ ਇਹ ਸਾਂਝ ਵਿਦਿਆਰਥੀਆਂ ਨੂੰ ਆਧੁਨਿਕ ਤਕਨੀਕੀ ਗਿਆਨ, ਵਿਹਾਰਕ ਅਨੁਭਵ ਅਤੇ ਉਦਯੋਗ ਨਾਲ ਸਿੱਧੇ ਜੁੜਨ ਦੇ ਮੌਕੇ ਪ੍ਰਦਾਨ ਕਰੇਗੀ, ਜਿਸ ਨਾਲ ਉਹ ਮੌਜੂਦਾ ਅਤੇ ਭਵਿੱਖ ਦੀਆਂ ਲੋੜਾਂ ਅਨੁਸਾਰ ਆਪਣੇ ਆਪ ਨੂੰ ਤਿਆਰ ਕਰ ਸਕਣਗੇ। ਉਨ੍ਹਾਂ ਇਹ ਵੀ ਕਿਹਾ ਕਿ ਯੂਨੀਵਰਸਿਟੀ ਲਗਾਤਾਰ ਅਜਿਹੇ ਉਦਯੋਗਿਕ ਸਹਿਯੋਗ ਸਥਾਪਿਤ ਕਰ ਰਹੀ ਹੈ, ਜੋ ਵਿਦਿਆਰਥੀਆਂ ਨੂੰ ਕਲਾਸਰੂਮ ਵਿੱਚ ਸਿੱਖੇ ਗਿਆਨ ਨੂੰ ਅਸਲ ਜੀਵਨ ਵਿੱਚ ਲਾਗੂ ਕਰਨ ਦਾ ਮੌਕਾ ਦਿੰਦੇ ਹਨ। ਇਸੇ ਸੋਚ ਤਹਿਤ ਸਥਾਪਿਤ ਇਹ ਕੇਂਦਰ ਵਿਦਿਆਰਥੀਆਂ ਨੂੰ ਨਵੀਨਤਾ, ਤਕਨੀਕੀ ਮੁਹਾਰਤ ਅਤੇ ਵਿਹਾਰਕ ਅਨੁਭਵ ਨਾਲ ਭਵਿੱਖ ਲਈ ਤਿਆਰ ਕਰੇਗਾ।

ਤੇਜ਼ੀ ਨਾਲ ਬਦਲ ਰਹੀ ਤਕਨਾਲੋਜੀ ਦੀ ਦੁਨੀਆ ਵਿੱਚ ਇਹ ਕੇਂਦਰ ਵਿਦਿਆਰਥੀਆਂ ਨੂੰ ਨਵੀਂ ਸੋਚ, ਆਧੁਨਿਕ ਹੁਨਰ ਅਤੇ ਵਿਸ਼ਵ ਪੱਧਰੀ ਮੁਕਾਬਲੇ ਲਈ ਤਿਆਰ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਏਗਾ। ਇਸ ਪਹਿਲ ਨਾਲ ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਉਦਯੋਗ-ਅਧਾਰਿਤ ਸਿੱਖਿਆ ਨੂੰ ਹੋਰ ਮਜ਼ਬੂਤ ਕਰਦਿਆਂ ਭਵਿੱਖ ਲਈ ਸਮਰੱਥ ਅਤੇ ਨਵੀਨਤਾਕਾਰੀ ਪੇਸ਼ੇਵਰ ਤਿਆਰ ਕਰਨ ਵੱਲ ਇੱਕ ਹੋਰ ਮਹੱਤਵਪੂਰਨ ਕਦਮ ਵਧਾ ਰਹੀ ਹੈ।